Stefan Karastojanov. KOSOVA- NJË ANALIZË GJEOPOLITIKE

Autor: Mehmet Latifi

Botuar në: Gazeta LAJM, Strugë, 31 tetor

Libri u prezantua në Ambasadën e Republikës së Shqipërisë më 22.11.2007

Ky libër nga autori bullgar Stefan Karastojanov, përkthyer nga Diljana

Karaivanova dhe Eris Karagjozi, hedh poshtë të gjitha pretendimet e Serbisë për

Kosovën, si “djep i shenjtë i Serbisë”, duke mohuar të drejtën e Serbisë ndaj

Kosovës dhe duke  argumentuar me faktografi historike etj, që në momentin e

pikërishëm që gjindet Kosova, para statusit përfundimtar, hedh mjaft dritë në

pretendimet okupatoriale serbe. Libri në veçanti e ka vlerën dhe peshën e

vlerësimit të këtillë me fakte të pamohueshme për Pavarësinë e Kosovës, sepse

është shkruar nga dora e një studjuesi të mirfilltë joshqiptar, pra studjuesi

dhe autori bullgar.

        Studjuesi bullgar Karastojanov, në këtë vepër i qaset problemit të

Kosovës, nga optika gjeopolitike, ndërkohë që trajtimi  i problematikës  në këtë

libër reflekton një repertory të gjërë referencash, kryesisht bullgare-sllave,

të cilat autori i zotëron dhe më pas i interpreton mbi platformën e tij

studimore. Që në parathënie të recensentit Prof. Dr. Georgi Bakallov, shprehet

se: “Disa e quajnë Kosovën “plaga e hapur e Ballkanit” dhe konkludon se kjo

është shumë e vërtetë. Problemet në këtë rajon kryengritës i kanë fillimet shumë

përpara ngjarjeve rreth shpërbërjes së Jugosllavisë në vitët ’90 të shekullit të

kaluar, fakt i cili e bën spjegimin e tij shkencor dhe kuptimplotë te hapur e më

se te vertete.

Profesor Karstojanov, si një qëmtues i durueshëm, i prek me një intelegjencë

faktet, i përzgjedh dhe më pas po me atë durim shkencor mbron interpretimin e

tij. Ai në punimin e tij zbret thellë në faktografinë historike, që nga

antikiteti, mesjeta e hershme dhe e zhvilluar, si në periudhën e sundimit osman

(shek. XV-deri 1912) si dhe në vitet në mes dy luftërave botërore (1918-1945),

dhe prej andej nxjerr momente të cilat përforcojnë interpretimin e tij,

platformën e studimit gjeopolitik mbi Kosovën. Zbirimi  i tij gjeopolitik lëshon

spirancën në lashtësinë e Kosovës, përvijimin nëpër shekuj, por edhe në vizionin

e tij mbi të ardhmen e sajë.

        Libri i Prof. Dr. Stefan Karastojanov, është plot fakte dhe ngjarje, dhe

është i ndarë në disa kaptina, të cilat përfshinë ekzistencën dhe raportin e

rajonit të Kosovës në periudha të ndryshme kohore. Përqëndrimi i një faktologjie

kaq voluminoze, bashkë me përcaktimet e bëra terminologjike, gjeografike dhe

gjeopolitike, e bëjnë këtë libër një manual të dobishëm mësimi për studentë,

politikologë, gjeografë, historianë, europianistë dhe juristë. Me këtë qëllim,

autori i monografisë, Stefan Karastojanov,-paraqet një tekst me një gjuhë të

rrjedhshme, të kuptueshmë dhe të përhapur, gjuhë e cila e zgjëron rrethin e

lexuesve dhe jep përgjigje të plota për njërin nga problemet politike më aktuale

të Ballkanit të sotëm, pra jep përgjigjen e duhur për cështjen e Kosovës.

Me botimin e monografisë të këtij autori të nderuar e respektuar bullgar, Prof.

Dr. Stefan Karastojanov, “Kosova- një analizë gjeopolitike”, Shtëpia Botuese

“Serembe”, e konsoliduar në edicionet e saja, për lexuesin shqiptar ka sjellur

një libër që u ka munguar bibliotekave tona, një analizë të thellë dhe të

gjithanshme mbi Kosovën. Ky libër vjen në dyuart e lexuesit shqiptar, falë

ambasadorit të Shqipërisë në Bullgari, Bujar Skëndo dhe përpjekjeve maksimale të

shkrimtarit dhe publicistit Resul Shabani së bashku me Shtëpinë Botuese

“Serembe”.